To be or Not to be

ယူနီကုဒ်နဲ့ပါတ်သတ်ပီး သိပ်အများကြီးလဲ မရေးချင်ပါဘူး
အထူးသဖြင့်သုံးဖို့ရာကိုပေါ့ တွန်းပါများလေ ကိုယ်ရောက်စေလိုတဲ့နေရာမရောက်ဘဲ ဆန့်ကျင်ဘက်ရောက်သွားတာမျိုးလဲရှိတတ်လို့ပါ၊
ဇော်ဂျီမကောင်းဘူး နဲ့ ရေးတာပြောတာများလေ မှန်ပေမယ့်လဲ
ကြာတော့ နားခါးလာပီး နစ်နာတယ်ထင်ပီး ဂရုနာဖြစ်ဇော်ဂျီဘက်ကနေ နေပီးရက်သားဖြစ်သွားတာလဲ အများစုနေပါလိမ့်မယ်၊
အမှန်တော့ နာစရာလဲမရှိပါဘူး သူကဖေါင့်ပါ အသက်လဲရှိမနေပါဘူး ပြောရရင် ကွန်ပြူတာထဲက မှတ်ဉာဏ်ထဲမှာ နေရာယူထားတဲ့ ၁၀၀၁ အစုအဝေးလေးတွေပါဘဲ၊ သူ့မှာလဲ မြန်မာစာလုံးတွေ ဖြစ်တဲ့ က ကနေ အ အထိလဲပါပီးသားပါဘဲ၊ တကယ်တော့ အပြစ်ပြောရရင် စထွင်တဲ့သူကိုဘဲ အများက လက်ညှိုးထိုးကြပါတယ် တွေးကြည့်တော့ သူလဲ အင်တာနက်စသုံးခါစဆိုတော့ ကိုယ့်မြန်မာစာလုံး အင်တာနက်ပေါ်အရင်ရောက်စေချင် ငါတို့ ထွင်တဲ့ စာလုံးဖေါင့်ဖိုင်လေး အင်တာနက်ပေါ် မြင်ရပီဟေ့ စတဲ့ ပီတိလေးနဲ့လုပ်တာဘဲနေပါ့မယ်၊ နောက်တော့မှ ဒါဟာတကယ်တန်း စနစ်တကျ မလုပ်ခဲ့တာ သူ့အတွက်အမှားမှန်းသူသိနေလောက်မှာပါ၊ ဘယ်သူမဆို အမှားလုပ်နိုင်ပါတယ် ဒါပေမယ့် မှားတဲ့ အလိုက်အထိုက် ပြန်ခံရတာလဲ လောက ညီမျှခြင်းသဘောပါဘဲ၊ ဆိုတော့ ထွင်တဲ့သူလဲ သူ့စေတနာ အကျိုးပေး အလျှောက်ဖြစ်ပါလိမ့်မယ်၊ ဒီလိုဘဲ အသုံးပြုသူတွေကလဲ မသိလို့သော်လည်းကောင်း သိလို့သော်လည်းကောင်း သုံးနေကြရမှာ အများစုက သိပီးလဲ
အားလုံး ဒါနဲ့ဘဲရေးနေကြတော့ ပြောင်းချင်သော်လည်း ပြောင်းဖို့ရာ မလွယ်ကြပါဘူး၊ စာရေးသူလဲ ပြောင်းဖို့ အခုအချိန်ထိ
ခက်ခဲနေဆဲပါဘဲ၊ ဆိုတော့ မပြောင်းဘူးကွာ အဆင်ပြေသလိုလေး ခဏမှေးနှေးမယ် ဒါလဲရတာပါဘဲ၊ မှေးနေခဲ့တာလဲ ဟိုတနေ့က တစ်ယောက် မန့်သွားသလို ဝအောင်ရေးခဲ့ပီးဆိုတာလိုမျိုးပါဘဲ အပြစ်ပြောလဲခံရမှာပါဘဲ ဟုတ်လဲဟုတ်နေတာဘဲလေ၊
ဒါပေမယ့်လဲ ပြောင်းချိန်တန်ပီ
အမှန်တော့ ပြောင်းချိန်လွန်ခဲ့ပီးပါပီ ဆိုတော့ အခုဘဲ ကိုယ့်ဟာကိုယ်ပြောင်းသုံးလိုက်တာမျိုးပါဘဲ၊ စာတွေဖတ်ရအဆင်ပြေလား
ဆိုတော့ မပြေပါဘူး တတ်နိုင်ရင် မြန်မာစာလုံးတွေ အထစ်အငေါ့မရှိ မြင်ချင်တာပါဘဲ သူများတွေ ဝါကျရေး သတ်ပုံရေးမှားတာတွေ့ရင်တောင် သိပ်ဘဝင်မကျချင်တော့ အခုလို
စာလုံးတွေ ဖတ်မရ ကမောက်ကမနဲ့ကတော့ ပြောစရာလိုမယ် မထင်ပါဘူး၊ ဒါပေမယ့်လဲပေါ့ iOS 10 ရောက်လာတော့မယ်
အဲဒီကျ ဂျေးဘရိတ်မရှိရင် ပါလာတဲ့ ယူနီကုတ်ဖေါင့်ကို ဖြုတ်ဖို့က မလွယ် ဂျေးရလာလဲ အမှန်တော့ မဖြုတ်သင့်ပါဘူး သူတို့တောင်တစ်လေးတစ်စားနဲ့ ထည့်ပေးကြပီးပီလေ ဆိုတော့ ရအောင်သုံးဖို့ရာဘဲ ရှိပါတယ်၊ စစချင်း အသုံးမကျယ်ပြန့်သေးတော့ မြင်မြင် သမျှမှားနေမှာပါဘဲ၊ ဒါပေမယ့် converter တွေနဲ့ပြောင်းရမယ်
အရင်ရေးခဲ့တာတွေလဲ ပြန်ပြောင်းရမှာပါ၊ အဲဒါတွေလဲ အချိန်တစ်ခုယူရမှာပါဘဲ၊ ယူနီနဲ့ရေးတာများလေ ဖတ်သူတွေလဲ ယူနီနဲ့ ဖတ်လို့ရလေ သူတို့အတွက်စာများလေ အဆင်ပြေလေပါဘဲ၊
နောက်မျိုးဆက်လောက်ဆို မြန်မာစာ အမှားမရှိမြင်လို့ရပါလိမ့်မယ်၊သူတို့ရဲ့ ကွန်ပြူတာတွေကလဲ အရင်ရေးခဲ့တာတွေ အကုန် ပြန်ပြင်နိုင်ခဲ့ရင်ပေါ့၊ လောလောဆယ်တော့ ဘဝကတိုက်ပွဲဆိုသလို
ယူနီ ဇော်ဂျီအခက်အခဲလေးက ရှိနေအုန်းမှာပါဘဲ၊ မြန်မာစာကို မှန်မှန်နဲ့ အတည့်ဘဲ မြင်ချင်ပါတယ်၊ ဒီအတွက် အနာဂတ်ရည်မျှော်ပီး အခုတော့ ယူနီဖေါင့်ပုံစံနဲ့စရေးပါတယ်၊ အခုပစ္စုပန်မှာ အပြစ်ရှိခဲ့ရင်လဲ နောင်အနာဂတ်မှာ ကြေပါစေလို့လေ။

Comments

Popular posts from this blog

Oppo ဖုန်းများတွင် Unicode ပြောင်းပုံ

ပြည်ထောင်စု font

Typing Tutor For Myanmar Unicode