Bo Bo Keyboard

ယူနီကုဒ်သုံးရင်း ဇော်ဂျီသုံးစွဲသူနဲ့
ဆက်သွယ်ရ ခက်ခဲလို့ ဆိုတဲ့
အကြောင်းပြချက်နဲ့ နောက်ပြန်လှည့်ချင်သူတွေအတွက်
ဒီကီးဘုတ်လေးကို
share လိုက်ပါတယ်။
ပထမဦးစွာ ဝန်ခံလိုတာက
ကီးဘုတ်ရဲ့ အဆင်အပြင်ဟာ
သိပ်ပြီး စွဲမက်စရာမကောင်းပဲ
မသပ်မရပ် ဖြစ်နေတယ်ဆိုတာပါပဲ။
ဆော့ဖ်ဝဲရေးသူဟာ
pro တစ်ယောက် မဟုတ်တာ သိရင်
ဒီအပြစ်လောက်ကိုတော့
ခွင့်လွှတ်နိုင်ကောင်းပါရဲ့လို့
တွေးမိလို့ ခုလို Share လိုက်မိပါတယ်။
ဒီကီးဘုတ်လေး ရေးစဥ်က
အခြားသူများကို share ဖို့
မစဥ်းစားမိပါဘူး။
ဘာကြောင့်လဲဆိုတော့
ဖုန်းဆော့ဖ်ဝဲ ရေးဖူးတဲ့ သူတိုင်းလိုလို
ကီးဘုတ်တစ်ခုတော့ ရေးကြည့်ဖူးကြပါတယ်။
အဲ့ဒိလို ရေးဖူးတဲ့သူတွေထဲမှာ
ကိုယ်လည်း အပါအဝင်ဖြစ်လာတော့
ကိုယ်ရဲ့ကီးဘုတ်ဟာ ဘာမျှမထူးခြားပဲ
share မလုပ်ချင်ပါဘူး။
ကိုယ်တိုင် သုံးကြည့်တဲ့အခါ
ကျနော့်အတွက် အင်မတန်အသုံးဝင်နေပါတယ်။
အစားအသောက်ကောင်းကောင်း
စားမိတဲ့အခါ ချစ်ခင်မြတ်နိုးသူကို
ကျွေးချင်တဲ့ ဆန္ဒပေါ်လာသလို၊
စာအုပ်ကောင်းတစ်အုပ် ဖတ်မိတဲ့အခါ
မိတ်ဆွေရင်းချာကို ပေးဖတ်ချင်စိတ်
ပေါ်လာသလို၊
ဒီကီးဘုတ်လေး သုံးမိတဲ့အခါ
အခြားသော ကျနော့်လို
အသုံးတည့်မယ့်သူတွေအတွက်
share ချင်လာမိပါတယ်။
*"ဘာအသုံးတည့်နေလို့လဲ"
ကျနော့်လို အပျင်းထူတဲ့သူတွေ
အကြိုက်တွေ့စေရပါမယ်။
ကျနော်က အင်မတန် အပျင်းထူပါတယ်။
ယူနီကုဒ်သုံးတဲ့အခါ ဇော်ဂျီသုံးသူတွေနဲ့
ဆက်သွယ်ချင်ရင် ကွန်ဗာတာတွေကို
သုံးပြီး ဆက်သွယ်ရပါတယ်။
copyလုပ် pasteလုပ် convert လုပ်
copy ထပ်လုပ် paste ထပ်လုပ်
အဲ့ဒိလို အဆင့်ဆင့် လုပ်နေရတာတွေကို
အင်မတန် ပျင်းပါတယ်။
ဒါကြောင့်
one touch နဲ့ ပြေလည်စေမယ့်
နည်းလမ်းမျိုးကို
[software မရေးဖူးခင် ကတည်းက]
အလွန်ပဲ တမ်းတမိပါတယ်။
ဒါနဲ့ပဲ ပထမဦးစွာ
one touch နဲ့ ဇော်ဂျီမှ ယူနီကုဒ်ကို
ပြောင်းပြီး ပြတဲ့
Unicode Assistance လေးကို
ရေးခဲ့တာ unicode သုံးစွဲသူများအတွက်
အထိုက်အလျောက် အသုံးတည့်ခဲ့ပါတယ်။
အဲ ဒါပေမယ့်
ဇော်ဂျီသုံးစွဲသူဆီ စာပြန်ပို့ရင်တော့
အလုပ်နည်းနည်း ရှုပ်မြဲပါပဲ။
ခု ဒီကီးဘုတ်လေးက
အဲ့ဒိ အရှုပ်ကို ကျော်လွှားနိုင်ပါပြီ။
ယူနီကုဒ်နဲ့ ရိုက်ပြီး ဇော်ဂျီနဲ့ပို့ချင် ပို့
ဇော်ဂျီနဲ့ ရိုက်ပြီး ယူနီကုဒ်နဲ့ပို့ချင် ပို့
one touch ပါပဲ။
သုံးစွဲသူအဖို့ ခလုပ်တစ်ချက်ပဲ နှိပ်ရုံပါပဲ။
ဒါကြောင့်မို့ ကျနော့်လို အပျင်းထူတဲ့သူတွေ၊
ယူနီကုဒ်သုံးရင်း ဇော်ဂျီသုံးစွဲသူနဲ့
ဆက်သွယ်ရ ခက်ခဲလို့ ဆိုတဲ့
အကြောင်းပြချက်နဲ့ နောက်ပြန်လှည့်ချင်သူတွေအတွက်
အသုံးတည့်ပါလိမ့်မယ်။
"အရေးကြီးသော အားသာချက်"
android က ကော်ပီကူးတဲ့အခါ
စာလုံးရေ အကန့်အသတ်တစ်ခုရှိတဲ့ အတွက်
copy/paste လုပ်ပြီး convert လုပ်တဲ့အခါ
စာလုံးအရေအတွက်များတဲ့ text တွေမှာ
စာသားအားလုံး မပါလာပဲ
နောက်ပိုင်းများ ပြတ်ကျန်ခဲ့တာဟာ
အင်မတန် စိတ်အနှောင့်အယှက်ဖြစ်ရပါတယ်။
ဒီဒုက္ခကို ယခင် Unicode Assistance ရော၊
ယခု Bo Bo Keyboard လေးကရော၊
ဖြေရှင်းပေးနိုင်ပါတယ်။
Unicode Assistance လေးက
စာသားတွေ ဘယ်လောက်ပဲ များများ
popup လေးနဲ့ ပြနိုင်ခဲ့ပါတယ်။
နောက်ပိုင်းတွေ ပြတ်မကျန်ခဲ့ပါဘူး။
အခု ဒီကီးဘုတ်လေးကလည်း
ရိုက်ထားတဲ့စာတွေ
ဘယ်လောက်ပဲများများ
နောက်ပိုင်းတွေ ပြတ်မကျန်တော့ပါဘူး။
copy/paste လုပ်ဖို့မလိုတဲ့အတွက်
အဲဒိအားသာချက်ရှိပါတယ်။
ကျနော်ကိုယ်တိုင်
စာလုံးရေ ၁၁၂၀ ကျော်ရှိတဲ့
( A4 ၆ မျက်နှာ )
စာတွေကို ရိုက်ကြည့်ပြီး
convert လုပ်ကြည့်တာ
အောင်မြင်ပါတယ်။
"ဘာတွေ အားနည်းသလဲ"
အားနည်းချက်တွေ အများကြီးပါ။
pro keyboard တွေကို
မမှီနိုင်တဲ့ အားနည်းချက်တွေ
အများကြီးပဲ ရှိပါတယ်။
အဲ့ဒိအားနည်းချက်တွေကို
feed back လေးတွေ ရတဲ့အခါ
တတ်နိုင်သမျှ ပြင်ပြီး
update လုပ်ပါမယ်။
"ဘာတွေ ကြိုးစားထားသလဲ"
ယူနီကုဒ်အတွက် သဝေထိုးအရင်ရိုက်စနစ်
ထည့်ထားပါတယ်။
ဇော်ဂျီအတွက်
ရရစ် ရွေးဖို့မလိုခြင်း၊
လုံးဆင့်ရှာရိုက်ဖို့ မလိုခြင်း၊
english အတွက်
double tab ဖြင့် capital letter ရိုက်နိုင်ခြင်း၊
space bar ကို နှစ်ချက်နှိပ်၍
နောက်ပြန် ဖျက်နိုင်ခြင်း စသဖြင့်
အတတ်နိုင်ဆုံး ကြိုးစားပြီး
ရေးဆွဲထားပါတယ်။
ကျေးဇူးပြု၍ စမ်းသပ်ပြီး သုံးကြည့်ပါ။
အကြံပြုပေးပါ။
software ရေးသူတစ်ယောက်အနေနဲ့ မဟုတ်ပဲ
သုံးစွဲသူတစ်ယောက်အနေနဲ့
share လိုက်ပါတယ်။
ဒီကီးဘုတ်လေးဟာ
မြန်မာတစ်နိုင်ငံလုံး
ယူနီကုဒ် ပြောင်းလဲသုံးစွဲနိုင်ရေး
လှုပ်ရှားမှုအတွက်
အုတ်တစ်ချပ် သဲတစ်ပွင့်
ဖြစ်ခွင့်ရမယ်ဆိုရင် အရမ်းပဲ ဂုဏ်ယူမိမှာပါ။
ဒီကီးဘုတ်လေး ရေးဖို့အတွက်
ဆရာ Waifer Kolar ရဲ့
သင်ခန်းစာတွေကို သေသေချာချာ
လိုက်လုပ်ကြည့်ခဲ့ရပါတယ်။
ဆရာ Waifer Kolar ကို
credit ပေးပါတယ်။
https://www.dropbox.com/s/03zihe986q4yx4g/Bo%20Bo%20Keyboard_1.0.apk?dl=0

Comments

Popular posts from this blog

Oppo ဖုန်းများတွင် Unicode ပြောင်းပုံ

ပြည်ထောင်စု font

Typing Tutor For Myanmar Unicode