Lumos Maxima
Projector ဝယ်ပြီး home cinema လုပ်မယ် စိတ်ကူးနေတာ ကြာပြီ။ ပိုက်ဆံ မရှိလို့ မလုပ်နိုင်သေးတာ။ ခုကျ ငွေယားလေး ရှိတာနဲ့ projector တလုံး ဝယ်မယ် စိတ်ကူးယုံ ရှိသေး စလုံးက အသိအမ မပိုးက သူဝယ်ထားတာလေး ပိုစ့်တင်ထားတာ တွေ့လို့ သူ့ကို မေးပြီး သူဝယ်တဲ့ ဆီက လိုက်ဝယ်လိုက်တာ။ စလုံးမှာနေတဲ့ ဘော်ဒါတစ်ယောက်ကို အကူအညီတောင်းပြီး သူ့ကိုဝယ်ခိုင်း၊ ပြီးမှ delivery နဲ့ ရန်ကုန်ကို ပို့ခိုင်းရတာ။ SG to YGN အိမ်အထိကို S$40 ကျတယ်။ မဝယ်ခင် lumosprojector.com ထဲ ဝင်ပြီးကြည့်တော့ Lumos Auroa နဲ့ Ray ဆိုပြီး ရှိတယ်။ Auroa က 1080P ရပြီး Ray က 720P ရတယ်။ ဈေးက auroa က 100 S$ ပိုများတယ်။ Projector ၂ မျိုးစလုံးမှာ smart နဲ့ normal ဆိုပြီး ထပ်ကွဲတယ်။ Normal ကတော့ HDMI input ကနေပဲ ရုပ်ထွက်တယ် ၊ အလုပ်လုပ်တယ်ပေါ့။ Smart version က ကျ Android OS နဲ့ လာတယ်။ Netflix နဲ့ YouTube လည်း ပါပြီးသား။ Google Play Store လည်းပါတော့ တခြား Disney+ တို့ဘာတို့ လည်း ထပ်ထည့်လို့ရတယ်။ နောက်ပြီး Android Phone ကနေ Screen Mirroring ရတယ်။ iOS နဲ့ MacOS ကနေလည်း Air Play နဲ့ ရတယ်။ Spec တွေသိချင်ရင် သူ့ website ကိုသာ သွားကြည့်။ အဲ့မှာ အကုန်ရေးထားတယ်။