Power Bank နဲ့ WIFI Router အားသွင်းကြိုး ပြဿနာ

အခုတလော မီးတွေပြတ်လာတော့ Power Bank တွေနဲ့ တွဲသုံးတဲ့ 5to12v ကြိုးတွေနဲ့ Power Bank  တွေနဲ့ တွဲသုံးကြတယ်။ တစ်ချို့ကလည်း အဆင်ပြေတယ်၊ တစ်ချို့ကလည်း အဆင်မပြေဘူး။ အဲဒါထက် Power Bank ရောင်းတဲ့ တစ်ချို့ တွေက သူတို့ Power Bank  က WiFi အတွက်သုံးလို့ရတယ်။ ကျန်တဲ့ဟာတွေက သုံးမရဘူး။ သူတို့ဟာက 6v,9v,12v တွေထွက်လို့ 12v ကြိုးနဲ့သုံးရင်ရရတယ်။ ကဖန်တဲ့ဟာတွေက 5v ပဲထွက်လို့ ကြိုးနဲ့တွဲသုံးလို့မရဘူး ဆိုပြီး ပြော ရောင်းလာကြတာ တွေ့နေရတယ်။ ပထမ က တစ်ဦးပဲ၊ နောက်ကြတော့ အတော်များလာတယ်။ မသိလို့ပဲ ပြောရောင်းလာတာလား၊ သိသိရက်နဲ့ပဲ ဂျင်းထည့်သလားတော့မသိပါဘူးဗျာ။

  • မေး - Power Bank တိုင်း 12v ကြိုးနဲ့ သုံးလို့ရလား။
  • ဖြေ - ရပါတယ်။

                   မရပါဘူး။

  • မေး - ဟမ်ဘယ်လိုကြီးလဲ။
  • ဖြေ  - ရပါတယ် ဆိုတာ ခေတ်ပေါ် Power Bank တိုင်း 2.1A or 2A တစ်ပေါက်ပါကြတာများလို့ပါ။

        မရ ပါဘူးဆိုတာ က ဂျင်း Power Bankတွေက  battery ကနေအစ USB output အထိ အဆုံး အကုန်ဂျင်း မို့လို့ပါ။ 2A ပါတယ်ဆိုပေမယ့် 1.5A လောက်ပဲ အများဆုံးထွက် တာကို 2ပေါက် parallel ထုတ်ထားပြီး 2Ax1, 1Ax1 ဆိုပြီး ရေးထားလို့ပါ။

  • မေး - ဒါဆို ဟို ဆိုင်တွေက ပြောတဲ့ သူတို့ ပါဝါဘဏ်က 12v ထွက်လို့ 12v ကြိုးနဲ့ နိုင်တယ် ဆိုတာကရော
  • ဖြေ - အဲဒါက နားမလည်တာလား မရှင်းတာလား မသိပါဘူး။ နောက်ပိုင်း ဖုန်းတွေမှာ Quick Charge စနစ်ဆိုတာပါလာတယ်။ battery တွေ အားအရမ်းကုန်နေရင် CPU သိပြီး အားသွင်းတဲ့စနစ်ကို လှမ်းပြောပါတယ်၊ အားသွင်းတဲ့စနစ်က နေပြီးပုံမှန် 5v ကနေ 6v တိုးပေးပါတယ်၊ ထပ် လိုအပ်သေးရင် 9v, အဲဒီကမှ 12v အထိ တိုးပေးပါတယ်၊ အဲဒီမှာ သူ့ဟာသူ နေရင်ထိုင်းရင်း 6,9,12v မထွက်ပါဘူး၊ ဖုန်း နဲ့ အားသွင်းပေးတဲ့ စနစ် အချင်းချင်း ချိတ်ဆက်ပြီးမှ လိုအပ်သလို volt ထုတ်ပေးတာပါ၊ အဲဒါကြောင့်မို့ ဖုန်းရော၊ အားသွင်းစနစ်ရော QC စနစ်ပါရင်တောင် ကြိုးက data အပြန်အလှန် သယ်ဆောင်နိုင်တဲ့ စနစ်မပါရင် (တစ်ချို့ကြိုးတွေမှာ data ကြိုးမပါဘူး ပါဝါ ကြိုးပဲပါတယ်) 12v,9v,6v မထုတ်ပေးပါဘူး၊ 

မေး - အဲဒါဆို သူတို့ပြောသလို မရဘူးပေါ့။

ဖြေ - အဲလိုလည်းမဟုတ်ပြန်ဘူး၊

မေး - ဟမ် မင်းဟာက ဘာတုံးကွ။

ဖြေ - ဒီလိုလေ၊ သူတို့ပြောသလို 12v ပါလို့ နိုင်တာမျိုး မဟုတ်ပါဘူးဗျ၊ အဲဒီ PD တို့ QC တို့ပါမှတော့ 5v 2.1A or 2.4A ကပါပြီး သားမို့လို့ရတာပါ။

အချုပ်ပြောရရင် PowerBank ကို နံမည်ရှိတဲ့အစစ်ဝယ်ပါ၊ mi, remax, kongfulon(စာလုံးပေါင်း မှားချင်မှာနိုင်ပါတယ်) etc ပေါ့ဗျာ၊ mi ထဲကတော့ အတော်များများ က အားသွင်းနေရင်း ပါဝါဘဏ် ကနေ အားပြန်ထုတ်သုံးလို့ရတယ်၊ တစ်ချို့ ဆိုရင် QC ပါ in ရော out ရောပါတယ်၊ အတော်များများကတော့ အားသွင်းနေရင် ပြန်ထုတ်သုံးမရဘူး၊ USB to 12v ကြိုးက 1A ထွက်တာမျိုးပဲ ဝယ်သုံးပါ။

အရေးအကြီးဆုံးက ကိုယ့် WiFi router စက်ကို ဖင်လှန် ကြည့်ပါ၊ 12v, 1A ဟုတ်မဟုတ်ကို၊ 12V 1A မှသာ Power Bank နဲ့ 5to12v ကြိုးကိုသုံးပါလို့  ပြောချင်ပါတယ်။


ကိုစိုင်းခမ်းခေါင် Facebook မှာ ရေးတင်ထားတာတွေ့လို့ ကူးလာတာ။ ကျွန်တော် ရေးတာမဟုတ်ဘူး။

Comments

Popular posts from this blog

MacOS Myanmar Unicode Keyboard

Typing Tutor For Myanmar Unicode

Oppo ဖုန်းများတွင် Unicode ပြောင်းပုံ