Skip to main content

Xiaomi Notebook Air 12.5


ပေါ့ပေါ့ပါးပါးနဲ့ အလေးကြီး မသယ်ချင်လို့ side kick အနေနဲ့ Xiaomi Notebook Air 12.5 inch တပါတ်ရစ်လေး ဝယ်မိတယ်။ အဓိက က အလုပ်ထဲမှာသုံးတဲ့ Engineering software တချို့က ( အတော်များများ ) က MacOS မှာ အလုပ်မလုပ်လို့ ဒါလေးနဲ့ အသက်ဆက်နေရတာ။ သုံးသမျှတော့ အတော်လေး ကောင်းတယ်လို့ ပြောလို့ရတယ်။ Second ဆိုပေမယ့် battery က ၆ နာရီလောက်ထိ အသာလေးခံတာတွေ့ရတယ်။ (ရှေ့က ပိုင်ရှင်က ရိုရိုသေသေ ကိုင်ထားလို့လည်းနေမယ် ) Charging သွင်းတာကလည်း Mi Type C Charger နဲ့ သွင်းတော့ တစ်နာရီခွဲလောက် သွင်းရင် ၁၀၀ ပြန်ပြည့်တယ်။
 

ကျွန်တော့် လက်က သေးလို့လားတော့မသိ ကီးဘုတ်က စာရိုက်ရတာ တော်တော်လေးကို အဆင်ပြေတာ။ keyboard backlit လေးပါတော့ ညဘက် စာရိုက်ရတာလည်း အဆင်ပြေတယ်။ 

 Screen resolutionကတော့ Full HD ဆိုတော့ ရုပ်ထွက်က အဆင်ပြေတယ် ဆိုတာထက် ပိုတယ်။ Screen size က 12.5 လက်မ ဆိုတော့ နည်းနည်းသေးတယ် ဆိုတဲ့ အထဲ ပါတယ်။ ဒါပေမယ့် စာရိုက်ဖို့ စာဖတ်ဖို့လောက်ပဲ ဆိုတော့ အနေတော်ပေါ့။ ဘေးဘောင်တွေက သေးတယ်ဆိုပေမယ့် အောက်ဘောင်ကတော့ တော်တော်ကြီးတယ်။ အောက် ဘောင်သာ သေးသွားမယ်ဆို Laptop size ကလည်း ဒီထက် သေးသွားနိုင်မယ်။ Color ထွက်တာလည်း ကျွန်တော်ကတော့ ကြိုက်တယ်။ Macbook Book Pro 2019 နဲ့ ယှဉ်ကြည့်တာ ကာလာက သူမသာ ကိုယ်မသာ ထိ ထုတ်ပေးနိုင်တယ်ဆိုတော့ တော်တော်လေး မိုက်တယ်လို့ ပြောလို့ရတယ်။ တခြား laptop တွေလို ကာလာဖွယ်တာ ဘာညာ မရှိဘူး။ Full HD screen ကို 12.5 inch ဖြစ်နေလို့ထင်တယ်။ Font size ကတော့ အတော်သေးနေတယ်။ Firefox မှာ နည်းနည်း zoom လိုက်မှ စာဖတ်ရ စာရေးရတာ အဆင်ပြေသွားတယ်။

Port တွေကတော့ HDMI တစ်ပေါက်၊ USB Type A တစ်ပေါက်၊ USB Type C တစ်ပေါက် နဲ့ earphone mic တစ်ပေါက် ပဲ ပါတယ်။ 

 Webcam ကလည်း မဆိုးပါဘူး။ Online meeting တက်ဖို့ Zoom meeting တက်ဖို့ အနေတော်ပါပဲ။ တခြား Laptop တွေလည်း ကင်မရာက အဲ့လောက်ပါပဲ။


 Storage က 128GB SSD ပဲပါတယ်။ ကောင်းတဲ့ အချက်က နောက်ထပ် SSD M2 Slot အလွတ် တခုပါတော့ ထပ်ထည့်လို့ အဆင်ပြေတာပေါ့။ ရန်ကုန် ရောက်မှပဲ 512 GB SSD နောက်တခု ထပ်ထည့်မယ် စိတ်ကူးထားတယ်။ 

 

 

မကောင်းတဲ့ အချက်ပြောပါဆိုရင်တော့ Speaker ကို ပြောရမှာပဲ။ Speaker က Laptop ရဲ့ အောက်ဘက် အခြမ်းမှာ ထားထားတော့ မျက်နှာပြင်မညီတဲ့ အိပ်ရာပေါ်တို့လို နေရာမှာဆို အသံက ပိတ်သွားပြီ ကောင်းကောင်း မကြားရတော့ဘူး။ ကျွန်တော်က အိပ်ရာထဲမှာ စာရေး စာဖတ်တာများတာကြောင့်နေမယ်။ ( Window ဘက်မှာတော့ သေချာမသိဘူး။ Ubuntu ဘက်မှာတော့ အသံထွက်တာ သိပ်မကောင်းဘူး။ ) မျက်နှာပြင်ညီတဲ့ စားပွဲပေါ် တင်ပြန်တော့လည်း Speaker က bounce ရိုက်ပြီး ထ္ွက်လာတဲ့ အသံကြီးက ဘယ်လို မှန်း မသိဘူး။ AKG driver ရှိတဲ့ window ဘက်အခြမ်းမှာတော့ ဘယ်လို နေမလဲ မသိ။ 

 

ဘယ်လို လူတွေ အတွက်သင့်တော်သလဲ ဆိုတော့ စာရိုက်မယ် စာဖတ်မယ် ရုပ်ရှင်ကြည့်မယ် အင်တာနက် သုံးမယ် ဆိုတဲ့ လူတွေ၊ business အသေး အတွက် laptop လိုတဲ့ သူတွေ၊ ကျောင်းသားတွေ အတွက် အတော် ကို အဆင်ပြေပါတယ်။ Performance  ကတော့ Ubuntu ဘက်မှာ အတော်လေးကို ကောင်းတယ်။  Office က Libre Office သုံးတာဆိုတော့ MS Office လောက် ram cpu usage မများဘူး။  

 

ဝယ်ကတည်းက Ubuntu နဲ့ Window 10 နဲ့ dual boot တင်ထားတာဆိုပေမယ့် ခုထိ Ubuntu နဲ့ပဲ ဆက်သုံးဖြစ်နေသေးတယ်။ အရေးအကြောင်းရယ် သုံးရအောင် လို့သာ window 10 ကို dual boot နဲ့ တင်ထားရတာ။ သိပ်မသုံးဖြစ်ပါဘူး။ Ubuntu သုံးတာ ကြာလာလို့လား မသိဘူး။ အတော်လေး အသားကျလာပြီ။ Window ကို မသုံးလို့ ရတဲ့ အနေအထားကို ရောက်နေပြီ။ ဟိုတလောက bootable usb လုပ်ဖို့ပဲ window ဘက် ခဏရောက်သွားတာပဲရှိတာ။ Bootable usb လုပ်တာကျ rufus လောက် တခြား ဘယ် software မှ အဆင်မပြေဘူးဖြစ်နေတယ်။

Dual Boot ဖြစ်နေတော့ GRUB menu ကြီးက boot တက်တိုင်း ပေါ်ပေါ်လာတာ ၊ window ကလည်း သိပ်မသုံးဖြစ်တာကြောင့် မမြင်ချင်တာနဲ့ grub customizer ဆိုတာလေးနဲ့ grub ကို hide လုပ်လိုက်တယ်။ 

sudo apt install grub-customizer 

လို့ ရိုက်ပြီး တန်းပြီး install လိုက်ယုံပဲ။ Ubuntu 19.03 နဲ့ အထက်ဖြစ်ဖို့တော့လိုတာပေါ့။  

အဲ.... Ubuntu ဆိုလို့ Ubuntu 20.04 မှာ မြန်မာ language ထားတာ မွန် ဖြစ်နေတာ ကို မသိဘူး။ ဖောင့် ကြောင့်ဖြစ်တယ်ပဲ ထင်နေတာ။ mmfont switcher ကြောင့်လားဆိုပြီး ဆိုက်ကို ဝင်နေလိုက်သေးတယ်။  ပြီးတော့မှ Language ထဲ ဝင်ပြီး Burmese Myanmar ကို ထပ်ထည့်လိုက်မှ အဆင်ပြေသွားတယ်။ မွန် ဘာသာပါလာတာ တကယ်ကို ဝမ်းသာစရာပါ။


Hackintosh ကလိဖို့ တွေ့တော့တွေ့ထားတယ်။ ကလိဖို့ အချိန်မရှိတာရယ်၊ အင်တာနက် က လိုသလောက် မရတာနဲ့ မလုပ်ဖြစ်ဘူးဖြစ်နေတာ။ အင်တာနက် ပေါပေါသီသီ ရရင်တော့ လုပ်လိုက်ဦးမယ်။

Post edit; Hackintosh လုပ်ပြီးမှသိတယ်။ Trackpad က Mackbook လိုပဲ ကြိုက်တဲ့နေရာ ကို click လို့ ရတယ်ဆိုတာကို။ အရင်က laptop တွေတုန်းက အောက်ဘက်နားကိုပဲ နှိပ်နေကျ ဖြစ်နေတော့ အောက်ဘက်ပဲ click လို့ ရတယ်ထင်နေတာလေ။




 

 


Comments

  1. I'm also using Mi Notebook air and I'm happy using Mi Notebook air. :)

    ReplyDelete

Post a Comment

Popular posts from this blog

ပြည်ထောင်စု font

Pyihtaungsu Font Downloads Windows 7 – Microsoft Office အားလုံးအတွက် – Pyidaungsu-1.8_Regular.ttf ဖောင့်   [ DOWNLOAD ]     Mirror Link (Google Drive) – Pyidaungsu-1.8_Bold.ttf ဖောင့်   [ DOWNLOAD ]     Mirror Link (Google Drive) Windows 10 & 8 – Microsoft Office 2013, 2016 အတွက် – Pyidaungsu-2.5_Regular.ttf ဖောင့်   [ DOWNLOAD ]     Mirror Link (Google Drive) – Pyidaungsu-2.5_Bold.ttf ဖောင့်    [ DOWNLOAD ]     Mirror Link (Google Drive) iPhone, iPad အတွက် – Pyidaungsu-2.4.mobileconfig ဖောင့်ပရိုဖိုင် Safari Browser ကိုသုံး၍ ဒေါင်းပါ    [ DOWNLOAD ]     Mirror Link (Google Drive) Download Myanmar Unicode Keyboards KeyMan Keyboard အသုံးပြုခြင်း Download Myanmar Unicode Fonts Myanmar3 အဟောင်း – Myanmar3_MultiOS.ttf ဖောင့်   [ DOWNLOAD ]      Mirror Link (Google Drive) Myanmar3 2018 – Myanmar3_2018.ttf ဖောင့်   [ DOWNLOAD ]     Mirror Link (Google Drive)

Oppo ဖုန်းများတွင် Unicode ပြောင်းပုံ

Oppo Ufont ကို အရင်ဆုံး Download လုပ်ပါ။ Click here to download 1. Download   2. Download   3. Download    Color OS 6 နှင့်အထက်ဖုန်းများတွင် 1. Setting / Languages and regions / Regions,တွင် Myanmar ပြောင်းပါ။ 2. Display & Brightness / Support Dai Characters, ကို ဖွင့်ပေးပါ။ Color OS 5.2 ဖုန်းများတွင် 1. Install Font App ကို install လုပ်ပါ။ 2.App ကို Change font ကိုနှိပ်ပြီး နှစ်သက်ရာ font ကို  apply လုပ်ပါ။ ____________________________________________

Typing Tutor For Myanmar Unicode

မြန်မာယူနီကုဒ်အတွက် စာရိုက်လေ့ကျင့်ဖို့ software ပါ။ http://www.rapidtyping.com/downloads.html   အောက်ကlink က ကိုထွန်းထွန်းနိုင် လုပ်ထားတဲ့လေ့ကျင့်ခန်းဖိုင်ပါ https://drive.google.com/file/d/0Bzb1JrfPDj1eWHJjcUdiNXJpdDg/view