(ဘာမှမရေးခင် ခေါင်းစဉ်ကို အရင် ရှင်းရမယ်။ ဖုန်းဆားဗစ်ဆရာတွေက ဒေါက်ဝှီး Tool ဆိုပြီး software ထုတ်တော့ အဲ့နာမည်လေး သဘောကျလို့ ချပ်... ဝှီး လို့ ခေါင်းစဉ်ပေးမိတာပါ။ ဒေါက်ဝှီး ရဲ့ ဆိုလိုရင်းက ဖုန်းကို ကွန်ပျူတာမှာ တပ်လိုက်တာနဲ့ ဝှီး ခနဲ အဆင်ပြေသွားမယ် လို့ ပြောချင်တာ။ ဒီ ကင်မရာကလည်း ချပ် ခနဲ ရိုက်လိုက်တာနဲ့ ဝှီး ခနဲ ပုံတန်းထွက်လာလို့ ဒီခေါင်းစဉ် ပေးမိတာပါ။ )
တကယ်က instax camera လိုချင်နေတာကြာပြီ။ ဝယ်မယ် ဝယ်မယ်နဲ့ မဝယ်ဖြစ်ဘူး ဖြစ်နေတာ။ အဲ့ဒါ မွေးနေ့လည်း ရောက်ရော သူငယ်ချင်းက "မွေးနေ့လက်ဆောင် ဘာလိုချင်လဲ" မေးတာနဲ့ အဲ့ဒါလေး လိုချင်တယ်ပြောလိုက်တာ။ သူလက်ဆောင်ပေးမှပဲ လက်ထဲရောက်တော့တယ်။ ကင်မရာမှာ mini 7 S ထက် ဘာတွေပိုကောင်းလဲဆိုရင် selfie ရိုက်ဖို့ lens နားမှာ mirror သေးသေးလေး ပါလာတာ နဲ့ macro ရိုက်ဖို့ attach lens လေး ပါလာတာပဲ။ battery က တခါထည့်ပြီးရင် ဖလင် ၁၀ လိပ်ထိ ရိုက်လို့ရတယ် ဆိုပါတယ်။ ဖလင်ကတော့ ရန်ကုန်က FujiFilm offical stores တွေမှာ တဘူးကို ၁၂၀၀၀ ကျပ် ၊ တခြား monochrome နဲ့ ဘောင်လှလှ ဖလင်ဆို တဘူးကို ၁၅၀၀၀ ကျပ် နဲ့ ဝယ်လို့ရတယ်။ ကျွန်တော် လိုက်ရှာရင်း ၃၄ လမ်းက Royal camera ဆိုင်မှာ ၂ ဘူးပါ တွဲရက် ကို ၁၈၀၀၀ ကျပ် နဲ့ရတယ်ဆိုတော့ တဘူးကို ၉၀၀၀ နဲ့ရတယ်ပေါ့။ Offical store ကဈေးနဲ့ဆို ၃၀၀၀ ကွာတယ်။
ကင်မရာမှာ auto mode ပါပေမယ့် သူ့ကို အားကိုးပြီး ရိုက်လို့ရှိရင် ၈၀% လောက်တော့ အဆင်ပြေပါတယ်။ တခါတလေ auto ကလည်း မမှန်ပါဘူး။
Comments
Post a Comment