iPad Keyboard တွေအကြောင်း

 တကယ်တော့ Logitech combo touch ဘယ်လောက်ကောင်းကြောင်း video ပါ ရိုက်ပြီး သွားပြီး မတင်ဖြစ်ခဲ့တာ။ အခု iPad keyboard ဝယ်ပြီး ၄ နှစ်အကြာမှာတော့ မူရင်း Apple Keyboard နဲ့ logitech တို့ရဲ့ ကွာခြားချက်ကို သိသွားပါပြီ။ ရေရှည်မှာ logitech က ရာဘာ နဲ့ ပြုလုပ်ထားတာမို့ ရာသီဥတုဒဏ်ခံရတဲ့ အခါမှာ ရာဘာတွေက ပဲ့ကုန် ကြွေကျ ကုန်ပါတယ်။ ဒါက longterm မှ သိရမှာပါ။ ပုံကတော့ ပဲ့တဲ့နေရာတွေမှာ ကော်နဲ့ ထိန်းထားပြီး ရလို ရငြား ဆက်သုံးနေတာပါ။ ဒါပေမယ့်လည်း တဖြေးဖြေးနဲ့ နေရာစုံကနေ ပဲ့ လာတော့ ဘယ်လိုမှ အဆင်မပြေတော့ဘူး။

 Logitech က ဖြုတ်ရတပ်ရ လွယ်ပါတယ်။ ဒါပေမယ့် မကောင်းတာက သူက စားပွဲလို နေရာ အထိုင် အတည်တကျ ရှိမှ သုံးလို့ အဆင်ပြေတာပါ။ တခါက ရထားနဲ့ ခရီးသွားတော့ ရထား စီးရင်း စာရိုက်မယ် လုပ်တာ ဘယ်လိုမှ အဆင်မပြေတော့ပါဘူး။ နောက်ပြီး ရေရှည်မှာ logitech ရဲ့ ကီးခလုတ်တွေက ပျက်ပါတယ်။ နေရင်းထိုင်ရင်း ပျက်ကုန်တာပါ။ Apple Magic Keyboard ကတော့ ၄ နှစ်ကျော်နေတဲ့ အထိ မပျက်သေးပါဘူး။

ကီးဘုတ်ရောင်းတဲ့သူတွေကတော့ လာဆဲချင် ဆဲနေပါလိမ့်မယ်။ ကျွန်တော့်ပိုက်ဆံနဲ့ ကျွန်တော် ဝယ်ထားပြီး ကျွန်တော် ကြုံတွေ့ရတဲ့ user experience ကို ရေးထားတာပါ။ ဘယ်ကမှ ပိုက်ဆံလည်း မရပါဘူး။ iPad ရော magic keyboard ရော logitech combo touch ရော အကုန်လုံး နဖူးကချွေး ခြေမ ကျတဲ့အထိ အလုပ် လုပ်ပြီး ရတဲ့ ပိုက်ဆံနဲ့ ဝယ်တာပါ။ တန်ဖိုးရှိတဲ့ ပိုက်ဆံတွေကို နောက်လူတွေ ကိုယ့်လို အမှားမျိုး မမှားစေဖို့ အတွက် ခုလို review ရေးတာပါ။ ဝယ်တုန်းက 100$ ပဲ ဈေးကွာတာဆိုပေမယ့် တကယ် စာရိုက်မယ် ရေရှည် သုံးမယ်ဆို 100$ ကို မကြည့်ပဲ Apple Magic Keyboard ကိုပဲ ဝယ်ဖို့ အကြံပေးပါရစေ။