OSMO Pocket review

Review တွေ ရေးချင်ပေမယ့် ကိုယ်ကျွမ်းကျင်တဲ့ အရာ၊ လုပ်နေကျ အရာမဟုတ်တော့ သိပ် မလုပ်ရဲ မရေးရဲဘူး ဖြစ်နေတယ်။ ကိုယ်က ပိစိသေးသေး gadget တွေကို ကြိုက်တဲ့သူဆိုတော့ ဝယ်ဖြစ်သွားတာ။Video ရိုက်မယ်ဆို စိတ်ကူးမိတော့ ရှိပြီးသား Canon EOS M50 အတွက် Gimble ဝယ်မလား Pocket ပဲ ဝယ်မလား ရွေးရမယ်ဆိုတော့ သေးသေးကွေးကွေးလေးတွေ ကို ကြိုက်တဲ့ ကိုယ့် ဝသီ အတိုင်း Pocket ပဲ ရွေးလိုက်တယ်။ Pocket က တော်တော် အဆင်ပြေတယ်။ Vlog သမားတွေ အတွက် တကယ်ကို မရှိမဖြစ်ပဲ။ Travel သမားတွေ Travel Vlog သမားတွေ အတွက် တကယ်ကို RECOMMEND ပေးတယ်။ ကင်မရာ ကြီးလို ထုတ်လိုက် ထည့်လိုက်နဲ့ လုပ်စရာမလိုဘူး။ ဘောင်းဘီ အိတ်ကပ်ထဲ ထည့်ထားလို့ ရတယ်။  လိုအပ်တဲ့ အချိန် ထုတ်ရိုက်လိုက်ယုံပဲ။


ကောင်းကွက် တွေကတော့ ခြုံပြောရရင် အကောင်သေးတယ် အဆိပ်ပြင်းတယ်  ပြောရမှာပဲ။ လက်ထဲတနိုင်တပိုင်လေးနဲ့ 4K ရုပ်ထွက်တာ မိုက်တယ်ပေါ့။ Sensor size သေးတာတော့ မကောင်းတဲ့ အချက်ပေါ့။
သယ်ရပြုရလည်း အဆင်ပြေတယ်။ Pocket ဆိုတဲ့အတိုင်း အိတ်ထောင်ထဲ ထည့်သွားလို့ရတယ်။ 
 ပြီးတော့ ကျွန်တော် စက်ဘီး စီးရင်း ရိုက်ဖို့ ဆိုပြီး ၅၀၀၀ တန် mount လေး ဝယ်ပြီး စက်ဘီးမှာ တပ်ပြီး ရိုက်တော့လည်း တော်တော် မိုက်တယ်။ ကျွန်တော် photo shoot တွေ မှာ BTS တွေ ရိုက်ဖို့ဆိုလည်း ကွက်တိပဲ။ ပြီးတော့ Pocket ကို ကြိုက်တဲ့ အချက်က ဖုန်းနဲ့ ( Type-C & Lighting Port ) တန်းချိတ်ပြီး ရိုက်ထားတာတွေ ကူးထည့်၊ သူ့ DJI app နဲ့ပဲ edit လုပ်လိုက်တာနဲ့ တော်တော်လေးကောင်းတဲ့ short clips တွေ ထွက်လာတာပဲ။ ( ကျွန်တော်တော့ အဲ့ Type-C adapter လေးက ခဏတိုင်းပျောက်တယ်။ ပျောက်တိုင်းပြန်ဝယ်ရတာနဲ့ တင် တော်တော် ထိနေပြီ ) USB Connection မသုံးချင်လို့ရှိရင် wireless adapter ကို သပ်သပ် ထပ်ဝယ်လို့ ရတယ်။ အဲ့ကောင်နဲ့ ဆို ဖုန်းကနေ remote လုပ်ပြီး ရိုက်လို့ ပါရသွားတယ်။ 









စက်ဘီးစီးရင်း ရိုက်မှ သိလာတာက up and down ဖြစ်ရင် shake တွေ ဖြစ်လာတယ် ဆိုတာပဲ။ စကားမစပ် အဲ့တာလေးဝယ်တော့ ဆိုင်က ရောင်းတဲ့ ကောင်မလေးက USB Type C adapter လေးတွေက ပျောက်တတ်တယ် အကို တဲ့။ spare မလာဘူးနော် ဆိုပြီး သတိပေးလိုက်ရဲ့ သားနဲ့ ဝယ်ပြီး ၄ ရက်ပဲ ရှိသေးတယ် ပျောက်သွားပါလေရော။ ရန်ကုန်မှာ မနည်းလိုက်ရှာပြီး ပြန်ဝယ်လိုက်ရတယ်။ ဒါတောင် 3 rd party က ထုတ်တဲ့ ဟာပဲ ဝယ်လို့ရတယ်။ ဈေးကတော့ original နဲ့ အတူတူပဲ ပေးရတယ်။ Adapter က မရှိလို့ မဖြစ်ဘူးဆိုတာက adapter ရှိနေတော့ ဖုန်းနဲ့ တန်းချိတ်ပြီး edit တန်းလုပ် ၊ တန်းပြီး upload လို့ ရတယ်။ မဟုတ်ရင် sd card ကို laptop မှာ တပ်ပြီး files တွေ ကူးရမှာဆိုတော့ သွားလေရာ laptop သယ်ရမယ့်ကိန်းကိုး။ အဲ့တော့ အကြံပေးချင်တာက usb adapter လေးတွေကို သေချာသိမ်းကြပါ။ ဘူး တခုခုထဲ ထည့်ပြီး သိမ်းတာ ပိုကောင်းမယ်။

Expansion kit က မဝယ်ဖြစ်သေးဘူး။ Wide lens နဲ့ UV filter kit လည်း ထပ်ဝယ်ဖို့ ပိုက်ဆံ မလောက်တော့လို့ မဝယ်ခဲ့ဘူး။ ဝယ်ပြီး စမ်းပြီးရင်တော့ ဒီ မှာ ထပ်လာ ရေးမယ်။

Gimble ကတော့ အတော်လေး ငြိမ်တယ်လို့ ပြောလို့ရတယ်။ ရိုက်နေရင်း ကင်မရာက အပေါ်ထောင်သွားလိုက် အောက်စိုက်သွားလိုက်ဖြစ်နေတယ်။ ကိုယ်ပဲ မရိုက်တတ်လို့လားတော့ မသိ။




This blog post is still in progress.




Comments

Popular posts from this blog

Oppo ဖုန်းများတွင် Unicode ပြောင်းပုံ

Typing Tutor For Myanmar Unicode

ပြည်ထောင်စု font