ကျွန်တော့်မှာ ဂြိုလ်သားမိတ်ဆွေ တယောက်ရှိတယ်။ သူက ကျွန်တော့်ထက် ခေတ်ရှေ့ပြေးတယ်။ ကျွန်တော် ရှာဖွေခဲ့တဲ့ အရာတွေကို သူ့ဆီမှာ ဆယ်နှစ်လောက် စောပြီး တွေ့ခဲ့ရတယ်။
ဒါတွေကို ဘာလို့ ခုမှ ပြောလဲ ဆိုရင် ဂြိုလ်သားနဲ့ ကျွန်တော် သိတာ ဆယ်စုနှစ် တခု ကြာတော့ တရက် မှာ နှစ်ယောက်သား စကား ထိုင် ပြောဖြစ်ကြတယ်ပေါ့။ အဲ့ချိန်ကျမှ ကျွန်တော် လွန်ခဲ့တဲ့ ၁၀ နှစ်က ရှာခဲ့တာတွေကို ဂြိုလ်သား ဆီမှာ အကုန်တွေ့တော့တာပဲ။
သူ အခု ပြောနေပြီ။ သူ ဒီ ကမ္ဘာပေါ် မနေနိုင်တော့ဘူးတဲ့။ ကျွန်တော်က မသွားသေးပါနဲ့လို့ တားနေရတယ်။
ကျွန်တော်လည်း နောက်ထပ် ဆယ်စုနှစ် တခုကြာရင် ဒီမှာ နေချင်မယ် မထင်ဘူး။
ဂြိုဟ်သားက အမြဲတမ်း အသစ်တွေကို ရှာဖွေတယ်။ သူကိုယ်တိုင်လည်း ရှာဖွေတယ်။သူများကိုလည်း သူရှာတွေ့တဲ့ အသစ်တွေကို မျှဝေပေးတယ်။ တခါတလေ သူ့ကိုယ်သူ ရှာနေရင်းလည်း ပျောက်နေတတ်တယ်။
ဂြိုဟ်သားနဲ့ ကျွန်တော်တူတာတွေတော့ရှိတယ်။ အပြင်ပန်းမှာ Rock တွေ Metal တွေ ကြိုက်တယ် ပြောလေ့ ရှိပေမယ့် တကယ်က blue လို jazz လို အေးအေးလေးတွေ ကို အသည်းထဲက ကြိုက်တာမျိုးပေါ့။ တခါတုန်းကဆိုရင် Auroa ရဲ့ Murder Song ကို ဖွင့်ပြီး က နေတဲ့ ဂြိုလ်သား ကို မြင်ရင် ခင်ဗျား အံ့ဩမိမှာသေချာတယ်။ အဲ့နေ့ကဆိုရင် ဂြိုလ်သား က တာ ကို ကျွန်တော် လက်ခုပ်တီးပြီး ကြည့်နေမိခဲ့တယ်။
ဂြိုဟ်သား နဲ့ စတွေ့တုန်းက ဂြိုဟ်သားလက်ထဲမှာ စာအုပ်တအုပ် အမြဲတွေ့ရတတ်တယ်။ ခုတော့ ဂြိုဟ်သား စာအုပ်ကိုင်တာ မတွေ့ရတော့ဘူး။ ဂြိုလ်သား ဖတ်တဲ့ စာအုပ်တွေက ကျွန်တော် နားမလည်နိုင်ဘူး။
Comments
Post a Comment