iPhone Secondhand ဝယ်မယ်ဆိုရင်

 မဝယ်တာကတော့ အကောင်းဆုံးပေါ့။ ဝယ်ရင် အသစ်သာဝယ်။ အသစ်နဲ့ secondhand နဲ့ ခွဲရတာကလည်း iPhone က လွယ်တယ်။ IMEI ဒါမှမဟုတ် serial number ကို apple website မှာ ရိုက်ထည့်လိုက်တာနဲ့ အသစ်လား အဟောင်းလား တန်းသိတယ်။ Phone ထည့်တဲ့ ဘူးအခွံပေါ်က serial number ကို ဒီ website မှာ ရိုက်ထည့်ယုံနဲ့ ကြည့်လို့ရတယ်။

Check Your iPhone

အဟောင်းဝယ်ရင် ကြုံရမှာတွေကတော့ အများကြီးပဲ။ ကျွန်တော် လက်လှမ်းမီသလောက်တော့ ပြောပြမယ်။ 

ရောင်းတဲ့သူကို Display  လဲ ထား မထား အရင်မေးကြည့်ရမယ်။  လဲထားရင် Face ID မရတာ ဖြစ်တတ်တယ်။ True Tone မရတာ ဖြစ်တတ်တယ်။ Apple Authorized မှာ လဲရင်တော့ အဲ့ error တွေ မရှိဘူး။ ခုနောက်ပိုင်း အပြင်က ဆိုင်တွေမှာပါ Face ID ရော True Tone ရော ရအောင် လုပ်လို့ရနေပြီ။ ဒါပေမယ့် အဲ့ စက်တွေက ဖုန်းပြင်တဲ့ ဆိုင်တိုင်းမှာ မရှိဘူး။

ဒီဟာက Display လဲထားပြီး True Tone အလုပ် မလုပ်တော့တာ။

ဒါက Original Display မှာ ပါတဲ့ True Tone

နောက်တခုက Face ID ပြဿနာ။ သူကလည်း Depth camera ထဲ ရေဝင်တာ ဖြစ်ဖြစ်၊ Display လဲလိုက်တာ ဖြစ်ဖြစ် ဆို ပျက်တာပဲ။ Depth camera လဲရင်လဲ မဟုတ်ရင် original Display ကို apple authorized service ဆိုင်မှာ လဲ မှပဲ ရမယ်။ 

နောက်ထပ် စစ်ရမှာက Apple ID ရှင်းလား မရှင်းလား စစ်ရမယ်။ ပိုင်ရှင်ကိုယ်တိုင် ရောင်းတာ တွေကတော့ log out ထားတာ ဖြစ်လို့ အဆင်ပြေပေမယ့် ခိုးလုံး လို့ ခေါ်တဲ့ သူခိုးတွေ ဆီက ဖုန်းတွေကျတော့ မူလပိုင်ရှင်က lost mode ဖွင့်ထားလို့ ရှိရင် ဖုန်းက အင်တာနက် ချိတ်လိုက်တာနဲ့ lost mode က ပွင့်နေတော့မှာ။ Lost mode က bypass လုပ်လို့ ရတာ တွေရှိတယ်။ ဖြုတ်လို့ ရတာတွေ ရှိတယ်။ ဖုန်းဆားဗစ်သမားတွေ ဆီမှာ ကျော်နည်း ခွနည်း ပေါင်းစုံ ရှိတယ်။ အဲ့လို ကျော်ခွ ထားတဲ့ အလုံးတွေမှာ ဘာပြဿနာရှိလဲ ဆိုရင် OS update လုပ်လို့ မရဘူး။ version မြင့်လိုက်တာနဲ့ Lost mode က ပြန်ပွင့်သွားပြန်ရော။ ဒါမှမဟုတ် ဖုန်း ဆားဗစ်ဆရာတွေက OS update လုပ်လို့ မရအောင် တခါတည်း လုပ်ထားတာတွေလည်း ရှိတယ်။ အဲ့ဖုန်းတွေက version မြင့်လို့ မရဘူးပေါ့။