YHT walking tour

By -
တစ်ရက်မှာတော့ ကိုဝေတစ်ယောက် ကိုရာပြည့် ခေါ်လို့ YHT က လုပ်ပေးတဲ့ Free walk tour လေးနဲ့ လိုက်လာမိတယ်။ ရန်ကုန်မြို့လယ် မှာရှိတဲ့ ရှေးဟောင်းအဆောက်အဦးတွေအကြောင်းနားထောင် ချင်တာရယ် ကိုယ်မသိသေးတဲ့ အရာတွေကို သိချင်တာရယ်ကြောင့်  လိုက်လာမိတာပါ။စုစုပေါင်း ၂ နာရီ ကျော်လောက် ရန်ကုန် downtown မှာလမ်းလျှောက်ပြီး ရန်ကုန်ရဲ့ သမိုင်းဝင် ဗိသုကာလက်ရာတွေကိုကြည့်ရပြီး tour guide က ရှင်းပြတာတွေကလည်း တကယ်ကို အဖိုးတန်ပါတယ်။ သွားရင်းလာရင်းရိုက်ခဲ့မိတဲ့ ပုံလေးတွေကို ပြရင်း ဒီပိုစ်လေးကို ရေးမိလိုက်တာပါ။



ဒါကတော့ YHT ရုံး ခန်း အတွင်းပိုင်း ပါ။

YHT ရဲ့ ရုံးခန်းထဲမှာတင်ပဲ ရန်ကုန်ရဲ့ ရှေးက ဓာတ်ပုံတွေ ချိတ်ဆွဲထားပါတယ်။ရှေးတုန်းက ရန်ကုန် ကို အမြင်အသစ်နဲ့ တွေ့ရမှာပါ။ ကျွန်တော်ကတော့အဲ့ခေတ်တုန်းက ဓာတ်ပုံတွေကို ကြည့်ရင် ရိုက်ခဲ့တဲ့ ဓာတ်ပုံဆရာတွေကို လေးစားပြီးရင်း လေးစားပဲ။




ဒါကတော့ ရန်ကုန်စာတိုက်ကြီး ပါ။ ရန်ကုန်စာတိုက်ကြီးကို ၁၉၀၈ ကစတင် ဆောက်လုပ်ခဲ့ပါတယ်တဲ့။ မှုလက စကော့လူမျိုးပိုင် Bulloch Bros & Co. ရဲ့ ရုံးအဖြစ် တည်ဆောက်ခဲ့ပြီး ၁၉၃၆ ကစပြီး ဗဟို စာတိုက်ကြီးအဖြစ် ပြောင်းလဲ အသုံးပြုခဲ့တယ်လို့ ပြောပါတယ်။


နောက်ထပ် ရောက်သွားတဲ့ နာမည်ကြီး အဆောက်အဦးကတော့ လောကနတ်အဆောက်အဦး လို့ လူသိများတဲ့ ဆိုဖဲရ်အဆောက်အဦး ပါ။ ဒီအဆောက်အဦးကို ၁၉၀၆  မှာ တည်ဆောက်ခဲ့ပြီး ဂျူးလူမျိုး  ကုန်သည်မိသားစု (ဆိုဖဲရ်မိသားစု) ကပိုင်ဆိုင်ခဲ့တဲ့အဆောက်အဦး ဖြစ်ပြီး နာမည်ကျော် စီးပွားရေးလုပ်ငန်းတွေ အဲ့ဒီမှာ ဖွင့်လှစ်ခဲ့ပါတယ်တဲ့ ။ ၁၉၇၁ ခုနှစ်မှာတော့  ပထမဆုံးခေတ်ပြိုင် အနုပညာပြခန်း  အဖြစ် လောကနတ်ကို စတင်ဖွင့်လှစ် ခဲ့ပါတယ်တဲ့။




Comments

Post a Comment

Popular posts from this blog

MacOS Myanmar Unicode Keyboard

By -
Image
  MacOS မှာ ဘယ်တုန်းက ပါလာမှန်းတော့ မသိဘူး။ အစက keymagic နဲ့ပဲ မြန်မာစာကို ရိုက်နေတာ။ သဝေထိုးကို ရှေ့က ရိုက်တာ အကျင့်ပါနေလို့။ ခုကျ ubuntu မှာ messenger က chrominium based ဆိုတော့ သဝေထိုးရှေ့က ရိုက်ရင် bug ပါပြီး ရိုက်မရဖြစ်နေတာနဲ့ default keyboard ကို သုံးရပြန်ရော။ ခုမှ သတိရလို့ Mac မှာပြန်ကြည့်တော့ mac မှာ မြန်မာစာအတွက် ကီးဘုတ်က ၂ ခုပါတာပဲ။ တခုက ရိုက်နေကျ myanmar 3 layout နဲ့ နောက်တခုက ဘာကြီးလဲကို မသိတာ။ စာလုံးတွေက တနေရာစီ။ အဲ့တော့ default myanmar 3 layout keyboard နဲ့ ဆိုတော့ keymagic တောင် ထည့်စရာမလိုတော့ဘူး။ သဝေထိုးကို နောက်မှ ရိုက်တာကလည်း အသားကျနေပြီးသား။  System preferences > keyboard > input source ကနေ  + ကို နှိပ် Burmese ကို ရွေး ။အပေါ်က Myanmar ကို ရွေး။  ရပြီ။  P.S- Catalina နဲ့ BigSur မှာတော့ ရတယ်။ ကျန်တဲ့ အဟောင်းတွေတော့ မသိဘူး။
Read more

Oppo ဖုန်းများတွင် Unicode ပြောင်းပုံ

By -
Image
Oppo Ufont ကို အရင်ဆုံး Download လုပ်ပါ။ Click here to download 1. Download   2. Download   3. Download    Color OS 6 နှင့်အထက်ဖုန်းများတွင် 1. Setting / Languages and regions / Regions,တွင် Myanmar ပြောင်းပါ။ 2. Display & Brightness / Support Dai Characters, ကို ဖွင့်ပေးပါ။ Color OS 5.2 ဖုန်းများတွင် 1. Install Font App ကို install လုပ်ပါ။ 2.App ကို Change font ကိုနှိပ်ပြီး နှစ်သက်ရာ font ကို  apply လုပ်ပါ။ ____________________________________________
Read more

Contacts တွေကို one click နဲ့ unicode ပြောင်းနည်း

By -
ios သမားတွေကတော့အရင်ဆုံး App Store ထဲဝင်ပြီး search ကနေ pyaung လို့ရိုက်ရှာပါ။ ပြီးရင် Download လုပ်ပါ။ ရှာ မတွေ့ရင် ဒီ link ကနေ download လုပ်လို့လည်း ရပါတယ်။ https://apps.apple.com/us/app/pyaung/id1039690192 home screen မှာ pyaung app ပေါ်လာရင် ဝင်လိုက်ပါ။Contact ဆိုတဲ့ tap ထဲဝင်ပါ။ zawgyi to uni , uni to zawgyi ကို စိတ်ကြိုက်ပြောင်းနိုင်ပါပြီ။ Android သမားတွေကတော့ ကိုနေရှိန်ဦး လုပ်ပေးထားတဲ့ app ကို အောက်က link ကနေ Download လုပ်ပြီး zawgyi to uni , uni to zawgyi ကို စိတ်ကြိုက်ပြောင်းနိုင်ပါတယ်။ https://play.google.com/store/apps/details?id=com.nso.unicc https://m.apkpure.com/unicontact-converter/com.nso.unicc နောက်တခုက Dev House က ထုတ်တဲ့ MM contact converter ပါ။ သူကတော့ Android သီးသန့်ပါပဲ။ Contacts တွေမှာ zawgyi နဲ့ unicode ရောနေရင်တောင် အဆင်ပြေပါတယ်။  ပြောင်းနေရင်း ဟန်းသွားတာမျိုးမဖြစ်ပါဘူး။ (Main thread မှာအလုပ်လုပ်မလုပ်ပဲ thread ခွဲပြီးပြောင်းလို့ပါ) https://play.google.com/store/apps/details?id=me.myatminsoe.mmcontactsconverter
Read more