Project Treble အကြောင်း တစေ့တစောင်း

Android team ကနေပြီးတော့ Android version အသစ်တိုင်းကို ပိုကောင်းအောင် လုပ်ဆောင်ကြပါတယ်။ ဒါပေမယ့် ရှိပြီးသား ဖုန်းတွေအတွက် ဗားရှင်းအသစ်ထုတ်မယ်ဆိုရင် အချိန်တွေ ငွေတွေ တအားကုန်ပါတယ် ဖုန်းထုတ်လုပ်သူတွေက ပြန်ပြောလာပါတယ်။
ဒီပြဿနာတွေကို ဖြေရှင်းဖို့ ဖုန်းထုတ်လုပ်သူတွေ နဲ့ ဆီလီကွန်တောင်ကြားက ထုတ်လုပ်သူတွေ ပူးပေါင်းပြီး  Android O ကနေစပြီး Project Treble ကို ဖန်တီးလိုက်ကြပါတယ်။

ပထမဆုံး Android version အသစ်ထွက်လာပြီး အသုံးပြုသူတွေလက်ထဲ ရောက်လာဖို့ ဘယ်လို အဆင့်ဆင့်လုပ်ဆောင်ရသလဲဆိုတာကို နားလည်ထားဖို့ လိုပါတယ် ။

  1. Android team ကနေ open-source code ကို ဖြန့်ချီလိုက်ပါတယ်။
  2. ဆီလီကွန်တောင်ကြားကထုတ်လုပ်သူတွေ ( android device တွေအတွက် chip ထုတ်လုပ်တဲ့သူတွေကို ခေါ်တာပါ) က သူတို့ထုတ်လုပ်တဲ့ chip တွေနဲ့ ကိုက်ညီအောင် ထွက်လာတဲ့ open source code ကို ပြုပြင်မှု့တွေလုပ်ရပါတယ်။
  3. ဆီလီကွန်တောင်ကြားကထုတ်လုပ်သူတွေက ပြုပြင်မှု့တွေလုပ်ပြီးတဲ့အခါမှာတော့ Android device တွေကို ထုတ်လုပ်တဲ့သူတွေ ဖြစ်တဲ့ Sony, Samsung, LG, Huawei, Xiaomi, စတဲ့ ဖုန်းထုတ်လုပ်သူကနေ ဆက်လက်ပြီး device တစ်ခုချင်းဆီအတွက် လိုအပ်တာတွေကိုပြုပြင်မှု့တွေဆက်လုပ်ကြရပြန်ပါတယ်။
  4. အဲ့ဒီနောက်မှာတော့ ဖုန်းထုတ်လုပ်သူတွေဟာ ရလာဒ်ကို စမ်းသပ် စစ်ဆေး ပြီး မှတ်ပုံတင်ရပြန်ပါတယ်။
  5. နောက်ဆုံး စစ်ဆေးမှု့တွေ အောင်မြင်ပြီးတဲ့အခါမှပဲ သုံးဆွဲသူတွေဆီကို ရောက်သွားပါတယ်။
Project Treble နဲ့ဆိုရင်တော့ အပေါ်ကအဆင့်တွေလိုမဟုတ်ပဲနဲ့ ဖုန်းထုတ်လုပ်သူတွေဟာ အသုံးပြုသူတွေဆီကို အချိန်ကုန် သက်သာစွာနဲ့ version အသစ်ကို ထုတ်လုပ်ပေးနိူင်မှာ ဖြစ်ပါတယ်။

အတိုချုပ်ပြောရရင် Hardware အတွက် Driver တွေကို သက်သက် layer တစ်ခုပေးထားပြီး OS အတွက် layer တစ်ခုပေးထားပါတယ်။ အဲ့တော့ System upgrade လုပ်တဲ့အခါမှာ OS layer ကိုပဲ တန်းလုပ်လိုက်ယုံပါပဲ။ Hardware ထုတ်လုပ်သူတွေက သက်သက် update လုပ်ပေးလိုက်ယုံပါပဲ။ Treble ကို support လုပ်တဲ့ Devices တွေအတွက် System Upgrade တွေက မြန်မြန်ထွက်လာနိူင်ပါတယ်။ အရင်ကလို Hardware ထုတ်လုပ်တဲ့သူတွေကပေးတဲ့ code တွေကို စောင့်စရာမလိုတော့ပါဘူး။
အောက်ကပုံလေးကိုကြည့်လိုက်ရင်  ရှင်းသွားမှာပါ။
Credit to XDA


 

 

 မှုရင်းလင့်ခ်

Comments

Popular posts from this blog

Oppo ဖုန်းများတွင် Unicode ပြောင်းပုံ

Typing Tutor For Myanmar Unicode

ပြည်ထောင်စု font