iPhone အတွက် ဘယ် VPN သုံးရမလဲ လို့ မေးလိုက်တာ၊ Samsung အတွက် ဘယ် VPN ကို သုံးရမလဲ မေးလိုက်တာက အတော်ကို အဆင်မပြေပါဘူး။ ဘာဖြစ်လို့လဲဆိုတော့ VPN က device နဲ့ မဆိုင်ပါဘူး။ ကိုယ်သုံးတဲ့ အင်တာနက်လိုင်း ISP ( Internet Service Provider ) နဲ့ပဲ ဆိုင်တာပါ။ ဥပမာ ပြောရရင် ကျွန်တော်က Express VPN ကို သုံးတယ်ဆိုပါတော့။ ကျွန်တော်က ooredoo နဲ့ ဆိုတော့ သုံးလို့ရတယ်။ ဒါပေမယ့် MPT နဲ့ ဆိုရင်တော့ မရတော့ပါဘူး။ အိမ်သုံး wifi တွေလည်း အဲ့သလိုပါပဲ။ တခုနဲ့တခုက ရတဲ့ VPN ချင်း မတူပါဘူး။ အဲ့တာကြောင့် VPN ဘယ်ဟာသုံးရမလဲ မေးချင်ရင် သိချင်ရင် ကိုယ်သုံးတဲ့ wifi သုံးတဲ့ သူကိုပဲ မေးကြည့်တာ အကောင်းဆုံးပါ။ ကျွန်တော်သုံးနေတဲ့ VPN က ကျွန်တော့်အိမ်က wifi နဲ့ ရနေပေမယ့် ခင်ဗျားသုံးနေတဲ့ wifi နဲ့ ရချင်မှ ရတော့မှာကိုး။
နောက်တခု ရှိတာက စကစ က VPN တွေကို လိုက်ပိတ်တာပါ။ ဥပမာ ကျွန်တော် express VPN ကို အခု သုံးလို့ရနေပေမယ့် နောက်တစ်ပါတ်လောက်ဆို မရတော့ပါဘူး။ သူတို့ နည်းပညာက အင်တာနက်သုံးနေတဲ့ ကိုယ့်ကို ငုတ်တုတ်ထိုင်ကြည့်နေတာပါ။ ကိုယ့် traffic ကို ထိုင်ကြည့်နေပြီး VPN လို့ သူတို့ သိလိုက်တာနဲ့ အဲ့ VPN ကို ban လိုက်ပါတယ်။ ဒါက ကျွန်တော် နားလည်လွယ်အောင် ရေးထားလို့ပါ။ Techanically ဆို ပိုရှုပ်ပါတယ်။ ဆိုတော့ ဘာဖြစ်သလဲဆို free VPN ဖြစ်ဖြစ်၊ ဝယ်သုံးတာပဲ ဖြစ်ဖြစ် အမြဲ မရပါဘူး။ ငါတို့က ဝယ်သုံးတာလေ ဘာလို့ မရတော့တာလဲ ဆိုတာ အဲ့တာကြောင့်ပါ။ ( ခုနောက်ပိုင်း IP နဲ့တင် မကဘူး protocol တွေ port တွေပါလိုက် ban ပါတယ် ) အဲ့တော့ ဝယ်သုံးချင်တယ် ဘယ် VPN ဝယ်သုံးရမလဲ လို့ လာမေးရင်လည်း အဖြေ မရှိပါဘူး။ ဒါပေမယ့် express VPN လိုကျတော့ ဝယ်သုံးပြီး စကစ က ip ban လိုက်လို့ သုံးမရတော့တဲ့အခါ complain တက်ရင် သူတို့က ဆာဗာအသစ်တွေ ပြန်ချပေးပါတယ်။
Comments
Post a Comment