Lumos Maxima

 






Projector ဝယ်ပြီး home cinema လုပ်မယ် စိတ်ကူးနေတာ ကြာပြီ။ ပိုက်ဆံ မရှိလို့ မလုပ်နိုင်သေးတာ။ ခုကျ ငွေယားလေး ရှိတာနဲ့ projector တလုံး ဝယ်မယ် စိတ်ကူးယုံ ရှိသေး စလုံးက အသိအမ မပိုးက သူဝယ်ထားတာလေး ပိုစ့်တင်ထားတာ တွေ့လို့ သူ့ကို မေးပြီး သူဝယ်တဲ့ ဆီက လိုက်ဝယ်လိုက်တာ။ စလုံးမှာနေတဲ့ ဘော်ဒါတစ်ယောက်ကို အကူအညီတောင်းပြီး သူ့ကိုဝယ်ခိုင်း၊ ပြီးမှ delivery နဲ့ ရန်ကုန်ကို ပို့ခိုင်းရတာ။ SG to YGN အိမ်အထိကို S$40 ကျတယ်။ 

မဝယ်ခင် lumosprojector.com ထဲ ဝင်ပြီးကြည့်တော့ Lumos Auroa နဲ့ Ray ဆိုပြီး ရှိတယ်။ Auroa က 1080P ရပြီး Ray က 720P ရတယ်။ ဈေးက  auroa က 100 S$ ပိုများတယ်။ Projector  ၂ မျိုးစလုံးမှာ smart နဲ့ normal ဆိုပြီး ထပ်ကွဲတယ်။ Normal ကတော့ HDMI input ကနေပဲ ရုပ်ထွက်တယ် ၊ အလုပ်လုပ်တယ်ပေါ့။ Smart version က ကျ Android OS နဲ့ လာတယ်။ Netflix နဲ့ YouTube လည်း ပါပြီးသား။ Google Play Store လည်းပါတော့ တခြား Disney+ တို့ဘာတို့ လည်း ထပ်ထည့်လို့ရတယ်။ နောက်ပြီး Android Phone ကနေ Screen Mirroring ရတယ်။ iOS နဲ့ MacOS ကနေလည်း Air Play နဲ့ ရတယ်။ Spec တွေသိချင်ရင် သူ့ website ကိုသာ သွားကြည့်။ အဲ့မှာ အကုန်ရေးထားတယ်။

ကျွန်တော်က သေးတာပဲ ယူမယ် ဆိုပြီး Ray ကို ယူလိုက်တယ်။ ရောက်လာတော့ သေးတော့ မသေးဘူး။ portable လို့ ပြောလို့တော့မရလောက်ဘူး။ နည်းနည်းတော့ကြီးတယ်။

မကောင်းတဲ့ အချက်က စ ပြောရရင် အသံထွက် အတော်ဆိုးတယ်။ Youtube ပေါ်က review တွေက တော့ အသံထွက်ကောင်းတယ် ပြောကြပေမယ့် ကျွန်တော့်အတွက်တော့ အတော်ဆိုးတယ်ပဲ။ အဲ့တာနဲ့ ကျွန်တော့်မှာ ရှိပြီးသား JBL Flip 5 bluetooth speaker လေးနဲ့ တွဲပြီးကြည့်နေရတယ်။

ကောင်းတဲ့အချက်ကိုပြောပါဆိုရင် အကုန်နီးပါးကောင်းပါတယ်။ ရုပ်ထွက်တာကလည်း အတော်မိုက်တယ်။ သူ့ Ads ထဲမှာတော့ နံရံဗြောင် ကို ထိုးရင် ရပါတယ်ဆိုပေမယ့် အဖြူဗြောင်ကို ထိုးတာမှ ကာလာက အဆင်ပြေတယ်။ တခြားအရောင်တွေ နဲ့ဆို အဆင်မပြေဘူး။ ကျွန်တော် အခန်းကို ပိတ်စ အဖြူနဲ့ နံရံမှာကပ်တယ်။ ပိတ်စက ပါးနေတော့ အဆင်မပြေဘူး။ နောက်ဆုံး ဘယ်လို လုပ်လိုက်သလဲဆို ဓါတ်ပုံရိုက်ရင် သုံးတဲ့ backdrop paper အဖြူကြီးကို နံရံမှာ double tape နဲ့ ကပ်လိုက်တော့မှ အဆင်ပြေသွားတော့တာ။

Comments

Popular posts from this blog

MacOS Myanmar Unicode Keyboard

Typing Tutor For Myanmar Unicode

Oppo ဖုန်းများတွင် Unicode ပြောင်းပုံ