Mi A1 နဲ့ မြန်မာစာ

မင်္ဂလာပါ MiA1 နဲ့ ပတ်သက်ပြီး တွေ့နေရတာတွေများလို့ post အနေနဲ့ရေးလိုက်တာပါ။ တစ်ယောက်ချင်းကို လိုက်ပြောနေတာ မပြီးတော့လို့ပိုစ်ရေးလိုက်တာပါ။MiA1 က Xiaomi နဲ့ Google ပူးပေါင်းပြီးထုတ်တဲ့ ဖုန်းပါ။ ပုံမှန်ဖုန်းတွေလို MIUI မဟုတ်ပဲနဲ့ Google ရဲ့ Pure Android လို့ခေါ်တဲ့ ဘာမှ အလှပြင်ထား ဆင်ထားတာမရှိတဲ့ android စစ်စစ် နဲ့ run ထားတဲ့ Android One ဖုန်းပါ။ Android version အသစ်ထွက်ရင် Android One ဖုန်းတွေက အရင်ဆုံး update ရတာပါ။ပြီးမှကျန်တဲ့ဖုန်းတွေကရတာပါ ။
Pure Android တိုင်း Default Myanmar Font က Unicode Font ဖြစ်တဲ့ Google NotoSan Myanmar font ပါပါတယ်။
အဲ့ဒါကို မြန်မာနိူင်ငံမှာက လူသုံးများတဲ့ ဇော်ဂျီ font ကို ထည့်ပြီးသုံးတဲ့အခါ System Update မရ ဖြစ်ကုန်ကြတာပါ။ဘာလို့မရသလဲဆိုတော့ ဇော်ဂျီfont ထည့်ဖို့ bootloader unlock လုပ်ပြီး TWRP recovery ထည့်ရပါတယ်။ အဲ့ဒီလိုထည့်လိုက်တဲ့အခါ System recovery ကို TWRP က replace လုပ်လိုက်တဲ့အတွက် system update လုပ်လို့မရဖြစ်သွားတာပါ။ အဲ့သလို system update fail ပြနေရင် full rom ကို PC ကနေတင်မှပဲရတော့မှာပါ။

ပြောလက်စနဲ့ ဆက်ပြောလိုက်ပါဦးမယ်။ ဘာလို့ Android One ကိုင်သင့်သလဲ ဆိုတဲ့ အကြောင်းပေါ့။ Android မှာ တစ်လတစ်ခါ security update ပေးပါတယ်။ အဲ့ဒါက antivirus definition update လိုပေါ့။

Virus တွေရဲ့  ရန်ကနေကာကွယ်ဖို့ မိမိရဲ့ဖုန်းမှာ latest security patch ဖြစ်နေဖို့လိုပါတယ်။ အဲ့အတွက် Android One တွေ မှာပဲ တစ်လတခါ update ရမှာပါ။ နောက်ပြီး OS update ပေးတာကလည်း ဖုန်းစထွက်ပြီး ၂ နှစ်ကြာတဲ့အထိ အဲ့ဒီဖုန်းကို Google က  update ပေးမှာပါ။ ဒါ့ကြောင့် Android version အသစ်ထွက်တာနဲ့ သုံးချင်တဲ့သူတွေအတွက် Android One က အဆင်ပြေမှာ  ဖြစ်ပါတယ်။

Comments

Post a Comment

Popular posts from this blog

Oppo ဖုန်းများတွင် Unicode ပြောင်းပုံ

Typing Tutor For Myanmar Unicode

ပြည်ထောင်စု font